岑漢和律師

服務詳情

服務種類:
證婚服務
整體評分:
整體評分 
5
5分
服務/產品價格: 證婚服務: HK$3151 起

服務/產品價格及詳情

暫未啟用

評語 提交評語

Carol Wong 2018/03/07 21:11:25

呢個律師係朋友介紹既,加上上網睇到佢D video就係佢證婚時好舒服好莊重,所以就揀佢。

揀左佢之後,佢主動約我地上律師樓,D嘢都講得揀而精,成個流程都好清晰。Big day個日,我係遲左少少既,但佢都無所謂,佢無黑面,佢成個過程帶住我地,個誓詞佢鼓勵我地自己創作,咁我都有咁做既!

整體滿意度 
5
5.0分 (1 vote)
服務態度 
5
5.0分 (1 vote)
套餐/款式/種類選擇 
5
5.0分 (1 vote)
價格適中 
5
5.0分 (1 vote)
商戶名稱
岑漢和律師
商戶所提供的服務 
證婚服務
產品/服務種類 
證婚服務
婚宴日期 
2017/12/19
是次最終消費 
HK$ 4300
Peggyan 2018/02/11 20:23:52

我之前做左幾次姊妹都遇到佢,所以一開頭我揀律師都冇特別搵其他,就諗住搵佢。其實喺上律師樓之前,而經接觸過佢,當時係有次做完姊妹個friend就約左佢出黎,當係thank you咁食左餐飯。食飯嘅時候,佢真係好funny,咩都會講;但一做嘢就好唔同,好認真,你會好信得過佢,完全唔需要擔心。

可能始終律師都冇話咩package,咁所以大家個期okay,價錢okay,就可以confirm。我唔係上佢律師樓confirm,我係一開始係電話約左佢個期confirm,然後臨結婚前三個月先去見佢。我上去律師樓嗰時佢講過啲rundown俾我聽,我仲話︰「好容易啫,得架啦!」點知到自己真係結婚嗰日好多嘢真係唔記得!而且因為臨到嗰日有啲蝦碌,就係突然播唔到歌,搞到我突然間入場之前個腦一片空白左,跟住我一見到佢即刻同佢講︰「點算啊!我唔記得曬啲程序!我唔記得你嗰時同我講過咩!」佢就話︰「得架啦!得架啦!跟住我哋就得架啦!」

我地證婚係伯大尼,律師好熟個場地、準時。其實嗰時我有concern過用唔用伯大尼啲mic,而岑律師真係好有經驗,話我聽支mic點樣為之好定唔好,要加錢好定唔加錢好,教我點樣揀。

岑律師同其他律師嘅分別在於︰岑律師信得過之餘,佢唔會係嗰啲好死板,唔會搞唔到氣氛。佢幫你搞到氣氛之餘,你會覺得佢出得大場面。佢都可以好莊重,亦都可以同時搞到氣氛。而且就算我突然醒起有野問佢,佢隨時隨地都答到我。

我最記得嘅畫面係之前出去食飯,佢除左當你係客人之餘,亦當你係朋友,佢成日都initiate︰「幾時再一齊去唱K啊?好想唱K啊!」真係好似朋友一樣!

整體滿意度 
5
5.0分 (1 vote)
服務態度 
4.5
4.5分 (1 vote)
套餐/款式/種類選擇 
5
5.0分 (1 vote)
價格適中 
4.5
4.5分 (1 vote)
商戶名稱
岑漢和律師
商戶所提供的服務 
證婚服務
產品/服務種類 
證婚服務
婚宴日期 
2017/06/11
是次最終消費 
HK$ 3000
qbi908 2017/05/24 21:45:54

原本我唔係搵岑律師,嗰時我唐家姐推介我搵A律師,覺得佢幾funny同幽默,應該啱我同我老公。我聽完就諗我同我老公都係幾active嘅人,可能都啱,於是我哋喺結婚一年前已經預約咗。不過嗰位A律師follow up 工作好唔積極,而且我俾咗訂之後一直都無見過面,係到婚禮嘅半年前左右先去見佢。估唔到上到去同佢傾嘅時候直頭覺得佢嘅態度係惡劣,唔係一個律師應有嘅表現,所以嗰刻我就決定撻訂都要搵過另一個律師。

之後問過朋友意見,自己又上網睇過岑律師佢幾多好comment,再加上之前有朋友用過,覺得佢好有禮貌同埋好專業,所以就決定轉去搵岑律師。其實我之前件事之後都上咗啲婚禮網站度留言過自己嘅經歷,唔知岑律師佢係唔係睇過,我聯絡佢嘅時候,佢就話︰「其實我好似大概知你係咩事嘅。唔緊要啦,我一定會全力幫你嘅!」見到岑律師之後真係覺得佢同A律師係天同地嘅差距!之後follow up同各方面嘅聯絡,有疑問whatsapp佢,佢都好快覆亦都好快解決我嘅疑慮,所以岑律師真係令我覺得好放心。另外,同佢開會時,佢已經同我講定當日爸爸、媽媽同新郎分別要做啲咩,真係非常清晰,安排得好妥當。

Big day當日其實流程都好急,我哋自己嘅時間掌控又唔係做得好好,但岑律師佢係好專業好早就嚟到,我係可以一邊化妝set頭,一邊聽佢講解之後嘅流程。佢好清楚咁同我老公講到時要企喺邊個位,點樣同爸爸交接等等,我哋之後直頭係無問題再諗到可以問佢,真係令我完全放心晒!我覺得佢好風趣同埋講嘢好快,但係快得嚟係好清晰。不過我覺得如果brief嗰時佢可以講嘢慢少少就更好喇,唔知係咪因為時間趕呢?因為之後on stage佢又完全OK。

我覺得佢把聲好柔情同磁性,真係好正。其中有一樣嘢我好難忘嘅,就係我用咗我好鐘意嘅”One thousand year”做march in背景音樂,岑律師佢知道我好鐘意首歌,就特登喺我哋march in完之後等到我最喜歡嘅Chorus位都播埋之後先開始講嘢,我覺得佢呢吓真係掌握得好好。其實原本我哋march in完企喺台前嗰時,都諗住岑律師會唔會差不多開始講嘢,但嗰個chorus我真係好鐘意。我仲一邊係咁諗唔知佢幾時講嘢,唔知會唔會踩歌,但點知佢係好醒目地完咗成個chorus先開始講嘢,我心裡面即刻諗︰「呢個律師正呀!」我哋事先完全無夾定,但佢把握個timing咁好,我真係好開心同好surprise!

整體滿意度 
5
5.0分 (1 vote)
服務態度 
5
5.0分 (1 vote)
套餐/款式/種類選擇 
5
5.0分 (1 vote)
價格適中 
4
4.0分 (1 vote)
商戶名稱
岑漢和律師
商戶所提供的服務 
證婚服務
產品/服務種類 
證婚服務
婚宴日期 
2017/02/17
是次最終消費 
HK$ 200
cash 2017/03/09 17:51:02

我知道佢係香港數一數二嘅證婚律師,而都睇過佢啲評語都好好,再加上自己同事亦有人試過搵佢,啲feedback又真係好好。結婚一生人一次咁緊要,梗係搵個信得過架啦!

有一次上律師樓俾文件佢嘅時候,佢有好用心咁brief我哋,例如要講啲咩呀,點樣掀頭紗呀,march-in 要點樣都有教埋我地。我記得當時有傾到我爸爸因為行動唔方便,佢都會教埋我同我老公兩個march-in定係我同爸爸,都好仔細咁幫我地。

唔單止證婚嗰part,我覺得佢差唔多真係做埋我哋司儀咁,特別係婚禮上面控制場面好緊要,佢把聲又好好聽,一開聲大家都好聽佢講野,控制場面做得好好。佢外貌都好presentable,又好準時,我喺新娘房準備緊嗰時佢已經到咗。

證婚過程我覺得佢係簡單而準確,亦唔會講啲唔相關嘅野,我父母事後都同我講返話岑律師做得好好。我先生first language係英文,段誓詞又要讀中文,岑律師就喺隔離幫佢,所以我爸爸都話岑律師真係好熟啲程序,我先生亦都覺得佢好professional。唯一美中不足係因為佢太旺,飲唔到我嗰餐,真係好想請埋佢。

而呢排都有聽過其他佢合作既證婚公司傳佢淡出唔做證婚,其實我真係唔會信。因為我都好熟佢,都知道佢繼續有接生意而應該當中有啲誤會,反而可能係佢唔想同嗰間公司合作就比較有可能。

整體滿意度 
5
5.0分 (1 vote)
服務態度 
5
5.0分 (1 vote)
套餐/款式/種類選擇 
5
5.0分 (1 vote)
價格適中 
5
5.0分 (1 vote)
商戶名稱
岑漢和律師
商戶所提供的服務 
證婚服務
產品/服務種類 
證婚服務
婚宴日期 
2016/01/24
是次最終消費 
HK$ 4105
Kuku1437 2016/08/08 16:47:31

律師我哋係搵岑漢和,當初都係人哋介紹。我哋係直接搵佢,係email confirm時間再上佢寫字樓,之後到結婚嗰日先見面。佢俾我嘅first impression就係佢好nice,同埋都會肯就番大家時間。當初我哋都唔知要講咩,始終都係第一次,佢之前會問定我哋想要長定短,幫我哋準備台詞,之後喺我哋耳邊細細聲講,我哋就跟住講。

整體滿意度 
5
5.0分 (1 vote)
服務態度 
4.5
4.5分 (1 vote)
套餐/款式/種類選擇 
5
5.0分 (1 vote)
價格適中 
5
5.0分 (1 vote)
商戶名稱
岑漢和律師
商戶所提供的服務 
證婚服務
產品/服務種類 
證婚服務
婚宴日期 
2015/11/14
是次最終消費 
HK$ 3800

頁面