Levin Wine

服務詳情

服務種類:
餐酒選購
整體評分:
整體評分 
4.65
4.7分
服務/產品價格: 紅/白餐酒: HK$166/瓶 起

照片集

服務/產品價格及詳情

服務名稱: 
Rial意大利蠟封紅酒
服務價格 
HK$140/起
服務名稱: 
Riverby 河畔酒莊雷司令甜白酒
服務價格 
HK$220/起
服務名稱: 
Riverby 河畔酒莊白蘇維翁白酒
服務價格 
HK$280/起
服務名稱: 
Riverby 河畔酒莊黑比諾紅酒
服務價格 
HK$380/起
服務名稱: 
Riverby 河畔酒莊雷司令甜白酒
服務價格 
HK$180/起

服務/產品價格及詳情

服務名稱: 
Casa Roma 意大利十大香檳
服務價格 
HK$220/起
服務名稱: 
Hennessy VSOP 700ml
服務價格 
HK$448/起
服務名稱: 
直送到婚宴場地
服務價格 
HK$4,600/起
最低訂貨為3箱起(可混款),一款最低訂貨數為1箱(12支)
銷費過$4600 / 3箱起免運費,直送到婚宴場地

評語 提交評語

HS845 2018/06/28 19:23:19

之前去過朋友婚禮,飲過啲酒又覺得幾好飲,問翻朋友就介紹咗Levin Wine比我。佢比咗電話我,我就打咗電話上去。嗰位同事叫Louis,傾電話嘅時候佢好nice,跟住就約咗時間上去。嗰office幾舒服,又有地方坐比我試酒。

Louis一開始問我哋target試邊類型嘅酒先,我哋紅酒、白酒、甜酒同sparkling都要嘅,跟住我哋就講翻我哋想要咩酒、有咩條件。溝通完,佢就比咗兩、三款酒我哋再揀,再detail啲講邊間酒廠啲酒會有咩texture。本身我都有飲酒,但又唔係好識。我有問過佢歐洲、阿根廷或者澳洲嘅酒,我唔係好知呢啲酒,都叫咗佢推介。平時係supermarket買嗰啲係差啲,當然你見到嗰啲澳洲嘅都係平價啲,quality可能都係差少少,但佢推介嗰隻都okay。嗰時嘅未婚妻都覺得好舒服、好正,我哋又未至於好常飲,最緊要係上去個感覺舒服。
整個過程我都好記得,都okay嘅,最記得嘅片段係推介酒同埋火槍燒芝士。我哋自己都帶咗啲嘢上去,因為要試幾款酒,帶咗Cheddar Cheese同肉乾去咬下。一開始我哋買嗰隻Cheddar Cheese襯起紅酒差少少,所以佢哋拎支火槍黎燒咗佢,燒到佢香,溶咗嚟食,好好食,texture軟翻啲同埋襯紅酒再正啲。

我哋total訂咗七十幾支,佢早一日送去我wedding嗰度,西貢131,有間法國餐廳,安排好曬,都好有交代,有通知我。當中訂咗幾樣酒,Louis每樣酒都spare咗一至兩箱比我。因為嗰幾日冇落雨,比較曬少少,比較有陽光,可能啲人會鍾意飲sparkling wine多啲,所以佢每樣酒都spare咗啲比我。最後可能紅酒飲少、sparkling飲多咗。每樣都spare咗,咁我會方便啲。當日wedding啲酒even飲曬,都仲有啲可以serve朋友。呢樣我覺得做得好好,同埋spare咗佢哋售後服務會搞埋,所以由頭到尾都冇嘢要擔心。全部嘢基本上都諗曬,其他都好好!我好enjoy成個過程!

整體滿意度 
5
5.0分 (1 vote)
服務態度 
5
5.0分 (1 vote)
套餐/款式/種類選擇 
5
5.0分 (1 vote)
價格適中 
5
5.0分 (1 vote)
商戶名稱
Levin Wine
商戶所提供的服務 
餐酒選購
產品/服務種類 
紅/白餐酒
婚宴日期 
2018/03/24
是次最終消費 
HK$ 164
 / 瓶
MY0421 2018/06/06 10:35:09

自己辨婚禮主要都係問吓朋友之前點搞。所以嗰時都係咁啱有朋友結婚,就問佢啲酒喺邊度訂。佢話佢親戚訂過Levin Wine都覺得幾好,於是我就聯絡佢哋。

原本想上佢哋studio試酒,但因為我覺得試酒都係要成班兄弟一齊幫手試,佢studio就唔夠大。於是佢就提議我哋去佢公司附近嘅餐廳度邊食邊試酒。我諗嗰間餐廳唔知係唔係佢哋平時都幫襯開,似啲food pairing,嗰餐飯埋單時佢哋都幫我哋攞咗啲折。喺餐廳見面前,我主要都喺同佢講返我價錢同數量上嘅條件,佢就幫我揀返相應嘅酒帶過嚟俾大家試。當晚佢哋安排咗5-6枝酒左右,2紅2白,一枝Rose同埋一枝再高一個檔次嘅紅酒俾我哋試。佢話貴啲嗰枝如果我想跟個預算再升級嘅話大約係幾錢。之後一邊飲一邊同我哋講解返枝酒嘅故事同出處,介紹吓枝酒,傾起上嚟感覺都幾好,唔會話講完呢枝幾錢嗰啲就走。我啲兄弟們飲完都有啲feedback,又可以即刻同佢Levin Wine佢哋傾返交流吓。

我自己同啲兄弟試完覺得無乜問題,就問返太太喺預算嗰方面意見點,因為主要喺我嗰邊啲親戚飲酒,佢嗰邊就唔係太飲。我記得我都唔係太快下決定,所以過一段時間後佢哋都有正常follow up,問吓我安排成點,都無hard sell。最後我就同佢哋訂咗60枝紅酒同30枝白酒,埋單$12000,我用信用卡一次過過數。至於試酒費方面,因為我哋最後都有搵佢哋訂,所以我都唔清楚佢哋其實有無,而且之前都無仔細問過。

佢哋有包埋delivery,我俾咗擺酒嗰度嘅manager contact佢哋就自動同天澄閣嗰邊安排交收,收到之後manager嗰邊就話返我知,都好方便。結果婚宴嗰晚,啲賓客因為好鐘意飲我攞去嗰啲whiskey,所以啲紅白酒都有剩。但賓客們對紅白酒feedback都係好嘅,因為都有朋友問我有酒剩嘅話可以俾錢買幾枝。

整體滿意度 
4.5
4.5分 (1 vote)
服務態度 
5
5.0分 (1 vote)
套餐/款式/種類選擇 
5
5.0分 (1 vote)
價格適中 
4
4.0分 (1 vote)
商戶名稱
Levin Wine
商戶所提供的服務 
餐酒選購
產品/服務種類 
紅/白餐酒
婚宴日期 
2018/04/21
是次最終消費 
HK$ 133
 / 瓶
S&L 2018/05/18 00:45:11

我結婚嗰時唔想搵出面嗰啲普通嘅酒,想搵啲高質素又平嘅酒莊,有朋友介紹所以就搵左呢間。我有去過普通啲嘅酒莊,好似Watson’s,但因為我自己對飲酒都有少少要求,同埋我都知街嗰啲commercial嘅鋪頭食水食得比較深,所以想搵翻細鋪頭。我唔想搵啲好commercialized、係人都識嘅大品牌,冇曬surprise。

一開始我係打電話去Levin Wine拎個inventory睇下,之後我就上左去試,推介左一隻叫Landaire。服務負責人叫Louis,佢好肯開酒比我試,開左冇十支都有八支。我知道自己想要咩,一開始就講左諗住用幾多錢訂酒,佢盡量比翻我想要嘅我,好用心了解我需要。佢好耐心咁解釋,好肯比我試。我有比翻錢嘅,都冇話charge我正價,開左個試飲價比我。

介紹嘅時候我太太都係度,酒呢方面我唔夠我太太熟,我太太係飲酒方面比我更picky,問左咩我唔係好記得,但都解答到佢疑難,例如酒嘅complexity、flavour。佢咁啱搵到隻酒中曬我心意,又唔係好貴。我決定係好快嘅,飲啱我就go ahead架啦。訂左三十幾圍酒,都訂左成幾萬紋。我好實際,我有咁嘅要求,而達到我嘅要求,我比錢,咁就得架啦!

到婚宴嗰晚啲酒好好,唔okay我係唔會擺上檯架,我會make sure我okay,我啲客人都會滿意。我擺上去嘅都飲曬,不過我自己都keep左三、四箱。因為啲酒係純粹for結婚用,所以送貨嗰啲都交曬比wedding planner同埋酒店搞,我都唔係好知送貨點,總之結婚嗰日就係曬檯面。

建議酒嘅種類可以多啲啲,呢樣唔可以話係唔好,有時太散唔夠專業。佢比嘅都係西班牙、義大利、澳洲嘅酒,我覺得都係合理。當然如果有啲靚嘅酒介紹,我都會有興趣,結完婚我都有返去買。

整體滿意度 
4.5
4.5分 (1 vote)
服務態度 
4.5
4.5分 (1 vote)
套餐/款式/種類選擇 
4
4.0分 (1 vote)
價格適中 
5
5.0分 (1 vote)
商戶名稱
Levin Wine
商戶所提供的服務 
餐酒選購
產品/服務種類 
紅/白餐酒
婚宴日期 
2017/05/04
是次最終消費 
HK$ 200
 / 瓶